Ritornu campagnolu

Ci hè vulsutu issu siscu murtale venutu da China per ritruvà l’amore tremendu di i nostri carissimi paesi. Eccu un bellu veranu per u ritornu campagnolu, u verde per salvacci d’issu periculu neru! Francatu u ponte (s’ellu hè sempre arritu dapoi l’ultimu empiifondu), chì piacè issu campà machjaghjolu ! Mà chì disgrazia :  sò belli scarsi à fà l’ortu, a rumenzula campagnola – pocu scelta- ùn s’arricoglie micca ogni ghjornu, l’acqua di a funtana ùn hè cusì linda, u lume passa è vene  -secondu u ventu- cum’è internet, è  Proxi… hè bellu luntanu !  In piazza di u paese, u duttore è u panatteru ùn ghjunghjenu più. Micca latte, micca carne, ancu menu pustimi è frutti, pocu farina castagnina (ma dece volte più cara)…

Frà tempu, certi puliticanti si runzzecanu  l’E.S.A. (Espaces Stratégiques Agricoles). Per l’avvene (di l’agricultura), l’animali anderanu à pasce in i parking d’issi lochi cusì bè chjamati “grandes surfaces” è i pastori à munghje u coca-cola per i turisti ?  Sarebbi u spaziu novu di strategia per accuncià una sulidarità (verde) trà citadini/paisani, mare/monti, piaghja/muntagna ? In paese, sott’à l’olmu, c’hè u tempu di riflette à salvà a pruduzione nustrale. S’ellu c’hè una pruduzione…

————

Retour à la campagne

Il aura fallu ce virus mortel venu de Chine pour retrouver l’amour de nos chers villages.  Voilà un beau printemps pour le retour à la campagne,  du vert pour nous sauver de ce noir danger ! Franchi le pont (s’il est toujours debout depuis la dernière inondation), quel plaisir  que cette vie tranquille ! Mais quel malheur : les jardiniers sont bien rares, peu de tri  pour les ordures qui ne sont pas ramassées tous les jours, l’eau de la fontaine n’est plus très claire, la lumière va et vient, selon le vent, comme internet, et Proxi… est bien loin ! Le médecin et le boulanger ne fréquentent plus la place du village. Pas de lait, pas de viande, encore moins de légumes et de fruits, peu de farine de châtaigne (mais dix fois plus chère)…

Entre-temps, des politiciens rognent les E.S.A. (Espaces Stratégiques Agricoles). Pour l’avenir (de l’agriculture), les animaux iront-ils  paître dans les parkings de ces lieux si bien nommés « grandes surfaces » et les bergers trairont-ils  le coca cola pour les touristes ? Serait-ce donc ça le nouvel espace stratégique pour mettre en place la solidarité (verte) entre citadins et villageois, mer et monts, plaine et montagne ? Au village, sous l’orme, on a le temps de réfléchir à la façon de sauver notre production . Si production il y a…